lir cika-cika nu hantem pésta lantéra
di palagon band rémix ngagedurkeun musik house
ka ceuli-ceuli manusa nu pada hayang ieu aing pangpunjulna.
beuki peuting lalampahan beuki jauh
saban leungeun tinggarayang muru pasir,
muru cangkéng, muru imbit terus nyarangsang
dina reuma-reuma dada.
pamaén hitar bari diharudung kupluk biru
puputeran gigireun pingping artis séksi nu papakéanan
beureum seuneu. naékeun eusining napsu
ka para manusa nu tambah lila harusu baruka baju.
Label: Leuleuweungan
Subscribe to:
Posting Komentar (Atom)
1 komentar:
sarae kang sajakna, lalampahan barudak ngora ayeuna...tos nyaliara oge geuning ka leuweungnya :D
mugia urang sanes salah sawiosna.
salam pangwanoh ti www.sunda.liezmaya.web.id
Posting Komentar